Taith Patagonia Siôn Brynach's Patagonia Trek
Hydref 2008 October
Paratoadau |
 |
Rhwyfo |
|
Mae cadw rhyw lefel o ffitrwydd wedi bod yn bwysig i mi ers rhai blynyddoedd ac un o'r prif ffyrdd sydd gennyf o wneud hynny, yw trwy rwyfo ar fy mheiriant rhwyfo Concept II. Cychwynais rwyfo yn y coleg flynyddoedd maith yn ôl ac rhyw 4 mlynedd yn ôl ail-afaelais yn nolenni'r peiriant. Llynedd llwyddais i golli tair stôn trwy rwyfo a chyfrif calorïau ac rwy'n awyddus i gadw'r un lefel o ffitrwydd wrth baratoi ar gyfer y daith ym mis Hydref 2008. Ffordd arall o gadw'n heini yw cerdded hwnt ac yma o'r gwaith bob dydd - taith o rhyw 25 munud - ac wrth fynd rwy'n medru gwrando ar fy iPod a defnyddio'r amser i ddysgu ... |
|
|
 |
Yn fuan wedi clywed am daith Mencap i Batagonia mynychais gwrs dysgu Sbaeneg byr Menter Caerdydd. Dros yr haf bûm wrth'n ddyfal wedyn yn gwrando ar gwrs dysgu Sbaeneg Michel Thomas. Ers mis Hydref rwyf wedi ail-ymafael yn y gwersi wythnosol, gyda fy athrawes a welir yn y llun ar y dde. Fodd bynnag rwy'n parhau hefyd i wrando ar gwrs Michel Thomas wrth gerdded hwnt ac yma i'r gwaith - ac mae rhyw 15 munud unwaith neu ddwywaith y dydd yn golygu 'mod i efallai'n dysgu - a chofio - rhyw un peth newydd y dydd. Dyfal donc. ..! |
|
|
 |
Un o'm diddordebau ers fy llencyndod fu ffotograffiaeth, ac yn enwedig felly dynnu lluniau bywyd gwyllt. Yn ddiweddar cefais gamera SLR digidol Nikon yn anrheg ac mae hynny wedi ail-danio fy awydd i grwydro'r priffyrdd a'r caeau yn chwilio am luniau. Medrwch weld rhai o'r lluniau a dynnais yn ystod haf a hydref 2007 ar y dudalen luniau, ac hyd yn oed eu prynu os y dymunwch hynny, gyda phob elw yn mynd i gefnogi'r daith gyda Mencap. Er mwyn mynd i'r dudalen luniau cliciwch yma |
|
2007-08